काठमाडौं- गायक प्रमोद खरेलको स्वर तथा अभिनय समेत रहेको गीत छाती चिरेर ले दर्शक तथा श्रोताको निक्कै नै मन जितेको छ।
गत सोमबार गायक खरेलकै अधिकारिक यूटुब च्यानल बाट सार्वजनिक गरिएको गीत समाचार तयार पार्दा सम्म ट्रेन्डिङको ११ औ नम्बरमा रहेको छ।
हरि लम्सालको संगीत रहेको यो गीत गायक खरेलले आँफै लेखेका हुन भने भद्रगोलका काकुको रुपमा परीचित निर्देशक दिपक प्रसाद आचार्यले भिडियो निर्देशन गरेका हुन।
गीतको भिडियोमा गायक खरेलसँगै नायिका ऋचा शर्माको अभिनय छ। यो वियोगात्मक प्रेम गीतमा प्रमोद व्हील चेयरमा देखिएका छन् भने ऋचा उनकी श्रीमती बनेकी छिन्।
यो गीतको भिडियोमा निकै धेरै सकारात्मक प्रतिक्रियाहरु आइरहेका छन्। भिडियो, संगीत र गायन राम्रो भएको मानिएको यो गीतलाई केहीले गायक खरेलकै उत्कृष्ट गीतसमेत भनेका छन्।
खरेलकै स्वरमा रहेको अर्को गीत ओए कान्छी पनि ट्रेन्डिङको १९ औ नम्बरमा रहेको छ। खरेलका मुश्किल छ पोखरामा, ओइ झुमा जस्ता धेरै गीत चर्चित छन्। # छाती चिरेर
हेर्नुहोस् गीतको भिडियो
यो पनि हेर्नुहोस्
समाजसेवी तथा कलाकार शिशिर भण्डारी र रोशनी कार्की अभिनित “बाँधी राखन”सार्बजनिक
